PAGINA SUCCESSIVA
Torna all'archivio news
12/03/2021 - Abertu s’isportellu linguìsticu sardu
In sa Procura de sa Repùblica sunt cumentzadas is fainas de s’isportellu linguìsticu sardu, finantziadu dae su Dipartimentu pro is Afàrios regionales e is Autonomias de sa Presidèntzia de su Consìgiu de is Ministros cunforma a is artìculos 9 e 15 de sa Lege 482/1999.
S’isportellu, acasagiadu in su de duos pranos de su Palàtziu de Giustìtzia (ala a manu manca), aposentu n. 11, est a disponimentu de is tzitadinos chi bolent impreare sa limba sarda in is relatas cun sa Procura e, comente si siat, pro ònnia informu e/o crarimentu pro su chi pertocat s’aplicu de sa normativa e is servìtzios ofertos.
S’ufìtziu linguìsticu est abertu pro su pùblicu tres bortas a sa chida: su lunis, su mèrcuris e sa chenàbura, dae is 11.30 a is 13.30. Pro ddoe intrare si racumandat de respetare is cumportamentos de seguresa pro firmare s’isparghidura de su virus Sars CoV-2 chi s’agatant iscritos in is cartellos apicados in is logos a cumone de su Palàtziu de Giustìtzia.
S’operadore de isportellu intèrprete-tradusidore si podet chircare fintzas cun su telèfonu faghende su nùmeru 0783.792231 o cun sa posta eletrònica, mandende un’e-mail a s’indiritzu isportellu.linguisticu.procura.oristano@giustizia.it. (a.i.g.)